Avokati i Edmond Begos, Ardian Leka, të akuzuar nga Partia Demokratike se kanë marrë mbi 14 milion euro tendera publikë, ka reaguar duke i cilësuar akuzat “flluskë sapuni”.
Përgjatë një lidhje telefonike për “News24”, avokati theksoi se do ta ndjekë çështjen në rrugë ligjore.
Ai tha se Prokuroria i ka verifikuar të gjitha pasuritë e Begos dhe nuk ka zbuluar asgjë, nga ato që thotë PD.
Në vijim ai thumboi keq ish-deputetin Enkelejd Alibeaj, duke i bërë thirrje që “të merret me njerëzit e tij të dënuar në Gjermani”.
“Alibeaj duhet të ketë parasysh dhe ngjarjet që kanë ndodhur në Gjermani dhe që i ka njerëz të vetët, meqë ka merak ligjin anti-KÇK. Ai po sulmon tjerët për të mbrojtur njerëzit e vet. Megjithatë, PD është e hapur t’i drejtohet drejtësisë për të gjitha pasuritë e Begës. Kjo është një politikë që nuk përballohet më, nuk mund të vazhdohet kështu”, deklaroi ai.
