Inspektorët e UEFA-s kanë hartuar një raport me të cilin pretendojnë që të dënojnë Skënderbeun me 10 vite pezullim nga kompeticionet euriopiane dhe një gjobë të majme. Klubi i Skënderbeut ka kontaktuar një studio zvicerane për të bërë mbrojtjen në UEFA, një dënim i cili do të sillte pasoja edhe në vendin tonë.
Studio ligjore ka nisur të përgatisë mbrojtjen dhe fillimisht ka kërkuar dosjen mbi të cilën kanë punuar dy inspektorët e UEFA-s, që kanë dalë në këtë përfundim. Dy do të jenë pikat kur avokatët e Skënderbeut do të këmbëngulin.
E para është mungesa e përgjimeve për trukime ndeshjesh që nuk janë në dosje dhe e dyta mos marrjen në konsideratë të të gjitha pikave që kanë të bëjnë me skuadrat e tjera, pra që nuk kanë lidhje me Skënderbeun.
Gjithashtu mund të ketë edhe një padi ndaj UEFA-s, për prishje te imazhit pasi kërkesa e dy inspektorëve është shpërndarë në media dhe bëri jehonë ndërkombëtare, ndërkohë që një informacion i tillë duhet të ishte kofidencial.
