Mund të përfundonte në një tragjedi përplasja e një autobusi me një shkëmb, duke rrezikuar që mjeti të përfundonte në humnerë.
Një autobus me turistë është aksidentuar në Lunik të Librazhdit, ndërsa udhëtonte drejt Fushë Studen.
Mësohet se shoferi, identiteti i të cilit ende nuk dihet, e ka përplasur autobusin me një shkëmb në pjesën e sipërme, duke rrezikuar që mjeti të dilte nga rruga e të përfundonte në humnerë.
Fatmirësisht të gjithë turistët kanë shpëtuar pa lëndime, ndërsa autobusi ka marrë dëmtime.
