Një shpërthim i madh gazi në Austri ka lënë pas 1 të vrarë dhe 18 persona të plagosur. Ngjarja ka ndodhur ditën e sotme në orët e para të mëngjesit në sheshin Baumgaerten në lindje të Vjenës, shumë pranë kufirit me Sllovakinë.
Policia austriake ka rethuar zonën dhe ka deklaruar se situata është nën kontroll, por nga të dhënat e para mendohet se shkak i shpërthimit ka qenë një defekt teknik në shpërndarësin e gazit. Sakaq, disa persona kanë pësuar djegie të rëndë, ndërsa disa të tjerë janë transportuar drejt spitalit me helikopter, pasi gjendja e tyre shëndetësore është e rëndë.
Situata e shpërthimin të gazit në impiantit e Austrisë, ka krijuar turbullira dhe është komentuar si një rast i rrezikshëm, që mund të marrë shumë jetë njerëzish dhe të krijojë pasoja të tjera.
Shqipëria tashmë është pjesë e projektit gjigant të gazsjellësit TAP, por pyetja lind se sa të rrezikuar jemi ne shqiptarët nga ky projekt gazi? Disa ditë më parë është raportuar se ndërtimi i gazit në Shqipëri dhe Greqi ka përfunduar në pjesa më e madhe shtrimit të tubacioneve të gazit, ndërsa raportohet se punimet po vijojnë më ritme të shpejta dhe Shqipëria në një kohë të shkurtër do të jetë pjesë e furnizimit me gaz, i cili natyrisht duhet analizuar si një e mirë me të keqen brenda, nëse ndodhin avari dhe probleme teknike në sistem.
Për Shqipërinë, kjo është një sfidë e re dhe natyrisht do të shoqërohet me shumë pengesa, qoftë në menaxhim ashtu edhe në formimin e kuadrove për të drejtuar aktivitetin e përditshëm.
Një problematikë e dytë:
Sistemi i ndërtimit të banesave në Shqipëria nuk parashikon që në projektim një sistem ngrohje me gaz, por natyrisht duhet të ndërhyhet për të gjetur forma dhe mundësi për një qasje në rrjet. Por, kjo mund të shkaktojë dhe problematika të shumta deri në një katastrofë njerëzore. Pra tek ne mungojnë kushtet bazike për të marrë shërbimin e furnizimit me gaz.
Protesta kundër TAP në Itali:
Në Itali janë zhvilluar protesta kundër TAP pak kohë më parë, ndërsa me shpërthimin e impiantit të gazit në Austri, ministri italian i Zhvillimit Ekonomik, Carlo Calenda, ka shpallur gjendjen e jashtëzakonshme për shkak të nevojave të mëdha që i duhen tregut në aktivitetin e përditshëm, duke ripërsëritur se nëse do ishte TAP, vendi nuk do të ishte në këtë gjendje. Ai theksoi se duhet marrë në shqyrtim mundësia ndërtimit të gazsjellësit TAP në Itali.
Imporit i gazit nga Rusia është ndërprerë, duke shkaktuar rritjen e çmimit të gazit në Evropë. Shpërndarësi i gazit “Baumgarten” është më i madhi sa i takon importit nga Rusia, duke kapur shifrat e 40 miliardë metër kub në vit. Gas Connect ka njoftuar se incidenti nuk do të ketë efekt në furnizimin me gaz në Austri, por në Itali dhe Kroaci mund të reduktohet.
Ministri Italian i zhvillimit ekonomik, Carlo Calenda, tha se do të deklaronte një gjendje të jashtëzakonshme për furnizimin me energji.
“Ndodhi një aksident në një shpërndarës gazesh në Austri, kështu që kemi një problem serioz furnizimi, veçanërisht në rrugën austriake që vjen nga Rusia”-tha ai, transmeton ANSA.it
TAP tha se sot ne nuk duhet të deklarojmë një gjendje të jashtëzakonshme për këtë mungesë furnizimi . Tubacioni i gazit nga Azerbajxhani në Itali “shërben për të diversifikuar këto furnizime me gaz, por edhe si një degëzim që shpëton nevojat e tregut italian që kanë për gaz.
Ministri italian i Zhvillimit, Calenda ka shtuar se nëse do të kishim gazsjellësin TAP, sot nuk do të kishim probleme me furnizimin. Ai tha se duhet parë nevoja e zhvillimit të TAP në Itali, i cili do të përshkojë 8 kilometra në territorin italian. TIRANA TODAY.
