Në Austri ka hyrë në fuqi ndalimi i pirjes së duhanit në makina kur janë të pranishëm fëmijët ose të rinjtë nën moshën 18-vjeç.
Gjobat parashihet të jenë deri 100 euro dhe në rast të përsëritjes së shkeljes së njëjtë do të ketë gjoba deri në 1.000 euro. Nga ky ligj përjashtohen kryesisht taksitë.
Ndërsa në Shqipëri para ca kohësh u ndërmor një aksion për ndalimin e duhanit më vendet publike. Në fakt ishte vetëm një aksion që preku qytetarët e thjeshtë dhe bizneset pa përkrahje se në media janë publikuar më qindra foto që tregojnë politikanë zyrtarë të lartë që pinë duhan në ambiente publike, por dhe barë që janë të lidhur me njerëz në pushtet që shkelin ligjin me dy këmbë.
