Presidenti i Gjermanisё, Steinmeier zhvilloi vizitën e parё nё Austri nё funksionin e presidentit. Nё takimin me presidentin austriak van der Bellen ata u shprehёn pёr mё shumё ndihma pёr Ballkanin Perёndimor.
Presidentёt e dy vendeve fqinje gjatё njё takimi tё pёrbashkёt bёnё thirrje, qё vendet e BE-sё t’i kushtojnë mё shumё vёmendje Ballkanit Perёndimor.
‘‘BE-ja do tё bёnte mirё, qё t’u ofrojё dorёn konkretisht gjashtё vendeve’’, tha presidenti i Gjermanisё Frank-Walter Steinmeier nё takimin e parё me kreun austriak tё shtetit Alexander Van der Bellen nё Vjenё.
Gjendja e vendeve pasuese tё ish-Jugosllavisё vazhdon tё jetё e vёshtirё, tha Steinmeier. Atij i ёshtё bёrё sё fundi e qartё, se ‘‘stabiliteti nё Ballkanin Perёndimor ёshtё i garantuar, nёse ruhet perspektiva evropiane’’. Edhe presidenti i Austrisё Van der Bellen u shpreh pёr mё shumё ‘‘vёmendje’’ tё BE-sё ndaj Shqipёrisё, Bosnje-Hercegovinёs, Serbisё, Maqedonisё, Malit tё Zi dhe Kosovёs.
Nё rajon mbizotërojnë konfliktet etnike. Pёrveç kёsaj Rusia pёrpiqet tё zgjerojё influencёn nё Ballkan. BE-ja antarёsimin e mundshёm tё gjashtё vendeve e ka kushtёzuar me njё proces me disa etapa. Gjatё vizitёs sё tij tё parё nё Vjenё, qeveria e sё cilёs ndjek njё kurs kundёr migrantёve, Steinmeier kritikoi edhe formulat e thjeshtuara dhe zgjidhjet nё nivel kombёtar pёr problemin e refugjatёve.
‘‘Kush e anashkalon Evropёn nё zgjidhjen e domosdoshme aktualisht, vepron me dritëshkurtësi, sipas mendimit tim’’, tha Steinmeier. Nёse kёrkohen ndryshime nё itinerarin e Mesdheut mё tё pёrdorur aktualisht prej refugjatёve, mbetet gjithmonё çёshtja e menaxhimit konkret. Nё Austri, ministri i Jashtёm Sebastian Kurz (ÖVP) mbёshtet kёrkesёn pёr mbylljen e itinerarit tё Mesdheut. ‘‘Ështё evidente, qё refugjatёve qё vijnё nё Mesdhe ne duhet t’u japim arsye pёr tё qëndruar nё atdheun e tyre’’, u shpreh Steinmeier duke bёrё thirrje pёr zgjidhje gjithёpёrfshirёse.
Van der Bellen u shpreh nё kontekstin e spekulimeve pёr njё mbyllje tё mundshme tё kalimit kufitar nё Brenero mes Austrisё dhe Italisё, qё kjo tё mos ekzagjerohet. Masat e fundit tё qeverisё sё Vjenёs nё kёtё drejtim janё ‘‘masa tё përgatitjes teorike pёr njё rast ekstrem, qё nё fakt nuk ёshtё ende konkret.’’
Nё programin e Steinmeierit ishte edhe njё takim me kancelarin e Austrisё Christian Kern (SPÖ) si dhe njё bisedё me intelektualё, ku merrnin pjesё ndёr tё tjerё shkrimtari austriak Robert Menassedhe filozofi Konrad Paul Liessmann.
