Festivali Ndërkombëtar i Filmit Horror nis më 29 nëntor në Sidnej të Australisë. Ky edicion do të hapet pikërisht me filmin e parë shqiptar të zhanrit horror, projekt filmik që është realizuar nga produksioni australian “Kastlefilms” e me regji të Steven Kastrissios.
“Bloodlands” tregon sesi një grua e thjeshtë dhunohet, mbetet shtatzënë dhe stigmatizohet nga banorët e lagjes së saj. Atë e dëbojnë në mal, duke e quajtur shtrigë. E lënduar, e urryer dhe e dëbuar kjo grua vendos që të shndërrohet në një shtrigë të vërtetë dhe të marrë hakun për krejt dhimbjen që i kanë shkaktuar.
Në role të ndryshme këtë film e interpretojnë aktorët: Enxhi Cuku, Suela Bako, Ilire Vinca, Gëzim Rudi, Emiljano Palali, Alesia Xhemalaj. Në këtë festival të pranishmit do të kenë rastin të dëgjojnë edhe rrëfimin e regjisorit, mbi realizimin e këtij projekti. Film ka fituar tashmë katër çmime ndërkombëtare në festival të ndryshme.
