Pas deklaratave të gazetarëve dhe analistëve se Prokuroria duhet të nisë menjëherë hetimet për audio-përgjimin ndaj Agron Xhafajt, kjo e fundit nuk bëri asnjë lëvizje.
Menjëherë pasi kryeministri i vendit Edi Rama e cilësoi jo autentik video-përgjimin e publikuar nga PD dhe kërkoi të shkonin në burg ata që e nxorën, Prokuroria bën ekzaktësisht ato që i kërkon kreu i qeverisë.
Organi i akuzës i ka dërguar letër për tu paraqitur tre demokratëve, deputetit Enkelejd Alibeaj, Ervin Salianji dhe ekspertit të drejtësisë pranë PD-së Gazment Bardhi.
Kjo lëvizje e prokurorisë kaq e vonuar vë në pikëpyetje të madhe profesionalizmin e saj por edhe ndikimin e madh që ka nga politika.
