Në selinë e PD kanë zbarkuar oficerët e policisë gjyqësore për të marrë audio-përgjimin e publikuar të hënën nga tre zyrtarët demokratë, ku dilte emri i vëllait të ministrit të Brendshëm Fatmir Xhafaj, Agronit, i cili fliste me një person që quhej bashkëpunëtori X për një çështje trafiku droge.
Ndërsa disa orë pas publikimit të kësaj audioje, Agron Xhafaj përmes avokatit te tij depozitoi në Prokurori një kallëzim penal për 3 zyrtarët e PD-së, pasi pretendonte se ata kanë sajuar prova dhe se në audio nuk është aspak zëri i tij.
Kërkesa për të sekuestruar audio përgjimin është firmosur nga drejtuesja e Prokurorisë së Krimeve të Rënda, Donika Prela.
