Ish-kryeministri Berisha ka publikuar në “Facebook’ një bisedë telefonike mes Ndre Legisit dhe Spartak Brahos për grevën e vitit 2008 në Kuvend.
Sipas Berishës, kjo është një bisedë midis dy bashkëvuajtsve në një lokal misterioz.
“Nje bisede midis dy bashkevuajtsve; Baba Takut dhe Ndre Legisit ne nje lokal misterioz. Degjojeni vet! Sb” shkruan Berisha.
Në këtë bisedë telefonike, duket qartë që Spartak Braho i thotë Legisit në telefon që të mos shqetësohej për Metën se e ka mbajtur ai me bajame, kur ish-kreu i LSI-së vendosi të mbante grevën e urisë në Kuvend në vitin 2008, kundër ndryshimeve kushtetuese të kryeministrit të asaj kohe Sali Berisha dhe kreut të Partisë Socialiste, Edi Rama.
“Ilirin e mbajta unë gjallë, ti e di, e ushqejsha me bajame”, thotë Braho.
Mësohet se biseda është bërë para dy javesh.
