Atletja shqiptare Luiza Gega është shpallur kampione në garën e 3 mijë metrave në garën e zhvilluar në Stamboll. Vlen të theksohet se gara ka qenë mjaft e fortë, por në fund ka triumfuar shqiptarja duke marrë medaljen e artë në Mitingun Ndërkombëtar të Sallave të Mbyllura në Stamboll të Turqisë.
Gega siguroi vendin e parë me kohën 9 minuta e 6 sekonda. Stambolli duket se i sjell fat atletes shqiptare, pasi edhe një vit më parë Gega mori medaljen e artë në garën e 1500 metrave.
