Mediat greke kanë bërë të ditur se Athina ka gati variantin e saj të projekt-marrëveshjes që synon zgjidhjen e çështjes së emrit të Maqedonisë.
Sipas mediave greke, thuhet se marrëveshja u është dërguar zyrtarëve në Shkup dhe pritet të diskutohet gjatë vizitës së Ministrit të Jashtëm grek, Nikos Kotzias në Shkup, të enjten dhe të premten. Këtë e konfirmoi vetë kryediplomati grek në një intervistë për televizionin publik ERT.
“Ne kemi përgatitur një tekst me propozimet tona për mënyrën e zgjidhjes së problemeve të hapura me Shkupin. Teksti është dërguar para disa ditësh në Shkup”.
Sipas shtypit grek, marrëveshja 20 faqëshe ka 55 paragrafë me propozime, por nuk jep detaje. Ajo është hartuar në mënyrë të detajuar nga kryeministri grek Alexis Tsipras dhe kryediplomati Nikos Kotzias.
“Besoj se do te ketë përparim, mbase jo zgjidhje përfundimtare. Por dëshirojmë që deri në verë ta kemi mbyllur këtë çështje. Besoj se këtë dëshiron ta bëjë edhe pala greke”.
Ministrat e Jashtëm të Maqedonisë dhe Greqisë do të takohen më 27 Mars me pjesëmarrjen e ndërmjetësuesit të OKB-së Methieë Nimich. Shkupi ka përmbushur shumë prej kërkesave të Greqisë, si shprehje e vullnetit për të zgjidhur një herë e mirë çështjen e emrit, për t’i hapur rrugë marrjes së ftesës për anëtarësimin në NATO, në samitin e Korrikut në Bruksel.
Ndërsa bëhet fjalë për idetë e njëjta të dorëzuara nga negociatori i OKB-së, Metju Nimic.
Republika e Maqedonisë Veriore
Republika e Maqedonisë së Re
Republika e Maqedonisë së Epërme
Republika e Maqedonisë së Vardarit
Republika e Maqedonisë(Shkup), këto janë pesë propozimet sipas mediave greke.
Dje,kryeministri i Maqedonisë, Zoran Zaev, bëri të ditur se dëshiron të zgjidhen mosmarrëveshjen për emrin deri në verën, ndërsa i ngjashë është dhe vullneti i udhëheqjes greke. TIRANA TODAY
