Prokurori i Përgjithshëm Adriatik Llalla ka reaguar pas ngjarjeve të ndodhura në qytetin bregdetar të Lezhës paraditen e sotme.
Sipas tij, janë grumbulluar materiale dhe prova të mjaftueshme për të dokumentuar ngjarjen.
Llalla është shprehur se situata është e qetë dhe e rëndësishme është që qytetarët të votojnë të lirë.
“Kemi grumbulluar prova të mjaftueshme për ngjarjen e Lezhës. Sa i përket situatës së përgjithshme pavarësisht ngjarjeve të fundit është e qetë. E rëndësishme është që qytetaret të votojnë të lirë dhe të ushtrojnë të drejtën e tyre ashtu siç edhe organet ligjzbatuese të jenë në gatishmëri dhe të kenë një sjellje korrekte”, deklaroi Llalla.
Kryeprokurori ka qenë dje edhe në Elbasan, ku është takuar me kandidatë të forcave të ndryshme politike.
Më herët ka reaguar edhe ish-kreu i LSI-së, Ilir Meta i cili është shprehur se ngjarja e ndodhur është mjaftë e rëndë dhe është përsëritur disa herë drejt anëtarëve të LSI-së.