Prokuroria e Elbasanit ka kërkuar ditën e sotme 22 vite burg për Shkëlzen Hasanpapajn, i cili akuzohet se ka tentuar të vrasë me armë Florenc Çapjan dhe Bledar Mucen në vitin 2016-të. Specifikisht ngjarja ka ndodhur në muajin qershor pranë ish-kirurgjisë të Elbasanit.
Teksa sulmoi me breshëri plumbash në drejtim të mjetit tip “Golf”, mbetën të plagosur 3 persona, mes tyre dhe një ish-police. Shkëlzen Hasanpapaj është i dyshuar për veprat penale të “Vrasjes në rrethana cilësuese”, mbetur në tentativë dhe “mbajtje pa leje e armëve luftarake”.
Hasanpapaj pas ngjarjes është larguar në drejtim të Holandës, ndërsa u arrestua nga policia dhe më pas u ekstradua në Shqipëri.
