Zbulohen detaje të tjera lidhur me ngjarjen e paradites së sotme në Elbasan, ku u qëllua me armë zjarri ndaj një anëtari të fisit Çapja.
Shënjestra e atentatit – Ardian Çapja
Mësohet se shënjestra e atentatit të ndodhur sot në lagjen “Emin Matraxhiu” ka qenë Ardian Çapja, i cili ndodhej pranë banesës së tij kur është qëlluar nga persona ende të paidentifikuar. Megjithatë, ai ia ka hedhur paq, pasi nuk është prekur nga plumbat.
Pas atentatit, autorët kanë djegur mjetin tip Benz, që rezulton me targa false, për të zhdukur çdo gjurmë.
Mësohet se automjeti i përkiste një kompanie biznesesh me emër në Elbasan, i cili ishte denoncuar i vjedhur.
Ardian Çapja u dyshua edhe për sulmin ndaj policisë në vitin 2016 dhe ka qenë edhe më herët objekt atentati.
NJOFTIMI I POLICISE
Më datë 23.12.2017 rreth orës 09:05 në sallën operative ka ardhur një telefonatë për të shtëna me armë në Lagjen “Emin Matraxhiu”
Forca të shumta policie dhe grupi hetimor kanë shkuar menjëherë në vendngjarje dhe nga veprimet e para hetimore kanë konstatuar se:
Në Lagjen “Emin Matraxhiu” në një rrugicë persona të paidentifikuar dyshohen të kenë qëlluar me armë zjarri në drejtim të Capajve.
Më pas në Lagjen “5 Maji” është gjetur i djegur tërësisht një mjet tip “BMË” me targa të dyshuara të falsifikuara. Shërbimet e policisë po punojnë për zbardhjen e plotë të rrethanave të ngjarjes, identifikimin dhe kapjen e autorit/ve.
