Mbrëmjen e kaluar, në qytetin e Elbasanit është regjistruar një ngjarje shumë e rëndë pasi dy vëllezërve iu është bërë atentat,dhe njëri prej tyre ka ndërruar jetë.
Klevi Baho 22-vjeç ka mbetur i vdekur ndërsa vëllai i tij Sandër Baho 29-vjeç ka mbetur i plagosur por ndodhet jashtë rrezikut për jetën. Ky i fundit mësohet të ketë marrë 3 plumba në shpatull,
Sipas policisë, dy vëllezërit po udhëtonin së bashku me një makinë tip “Audi” në aksin rrugor Peqin-Elbasan, kur persona ende të paidentifikuar i kanë qëlluar me armë. Viktima, thuhet se kishte vetëm pak kohë që kishte dalë nga burgu në Itali.
Ngjarja ka ndodhur fshatin Broshkë, të Elbasanit. Në foton e siguruar nga BalkanWeb, duken pamjet se si makina është bombarduar nga plumbat.
