Një nga personat e shoqëruar për t’u marrë në pyetje, lidhur me atentatin ndaj makinës së prokurorit Arjan Ndoj është Julian Meçe. Ky i fundit mbeti i plagosur në atentatin që ndodhi në qershor të po këtij viti, teksa po udhëtonte me makinë së bashku me Plarent Dervishin. Meçe është pyetur nga grupi hetimor, si person që mund të ketë dijeni për rrethanat e ngjarjes. Më pas është lënë i lirë.
“Po të donin, më vrisnin kudo”, prokurori zbardh detaje tronditëse nga spitali
Kush është Julian Meçe?
Julian Meçe është numri 2 i bandës së Durrësit. Adriatik Coli, një nga anëtaret e bandës, kur u arrestua tregoi në polici rolin dhe ndikimin e tij.
Më 20 qershor të 2019, Julian Meçes dhe Dervishajt iu bë një atentat në autostradën Tiranë-Durrës, ku si pasojë mbetën të plagosur të dy. Plarent Dervishaj, 47 vjeç, është kunati i Lul Berishës, ndërsa 36-vjeçari Meçaj është anëtari i bandës së tij, bandës së Durrësit.
Ngjarja ndodhi në zonën e ish-Kënetës, pranë mbikalimit të Shkozetit, në Durrës, ku dy të plagosurit ishin duke hipur në makinën e Dervishajt. Meçaj mori tre plumba në trup, ndërsa Plarent Dervishaj morri një plumb në këmbë.
Brenda makinës tip Range Rover ishte edhe Bashkim Haxhija, mik i tyre, i vetmi i arrestuar për këtë ngjarje. Pasi akuzohet se qëlloi me armë në drejtim të autorëve.
