Pasditen e sotme qyteti bregdetar i Vlorës, është përfshirë nga një ngjarje e rëndë ku ka humbur jetën një person.
Burime konfidenciale nga Policia e Shtetit për Tirana Today bëjnë me dije se personi që humbi jetën shtetasi Erven Hyseni pronari i “Hotel Vlora”, gjithashtu pronari i një televizioni lokal në Vlorë.
Gjithashtu është vrarë dhe Roland Saliu, Drejtori i OSHEE-së rajonale Vlorë në një lokal afër “Katër Topave”
Këto burime pohojnë se me anë të një atentati mafioz është ekzekutuar në vendin e quajtur “Sheshi i Flamurit”.
Mendohet se autorët të kenë qenë të maskuar, të paktën sipas dëshmitarëve. Dyshohet se është një atentat i mirëfilltë, pasi automjeti i autorit/autorëve, është gjetur i djegur në një fshat të Vlorës. Plumbat raportohet se kanë dalë nga një arme kallashnikov.
Ngjarja ka pak minuta që ka ndodhur, policia ka mbërritur në vendngjarje dhe dyshohet për larje hesapesh.
Komunikata e plotë e Policisë së Vlorës
Informacion paraprak
Rreth orës 19:40, në “Sheshin e Flamurit” Vlorë është qëlluar me armë zjarri në drejtim të një lokali.
Për pasojë kanë mbetur të vdekur 2 shtetas:
1- R.S., Drejtor i OSHEE-së
2- E.H., i cili ka ndërruar jetë disa minuta më pas në Spitalin Rajonal Vlorë.
Dyshohet se ngjarja ka ndodhur pranë një lokali aty pranë sheshit, ku autorët pasi kanë qëlluar me armë zjarri të dyshuar “Automatik” janë larguar me shpejtësi nga vendi i ngjarjes.
Po punohet për zbulimin e gjeneraliteteve të plota të viktimave.
Policia ka ngritur pika kontrolli në qytet, me qëllim identifikimin dhe kapjen e autorëve.
Grupi hetimor ndodhet në vendngjarje duke kryer veprimet e mëtejshme proceduriale.
(TIRANA TODAY)
