Kryeministri grek, Kyriakos Mitsotakis, ka dhënë sot provat se veprimet e Turqisë në Mesdheun Lindor janë provokuese.
Ai i paraqiti këto prova gjatë takimit me presidencën e Partisë Popullore Evropiane. Lideri grek ndau me kryetarin e Grupit Parlamentar të EPP, Manfred Weber, besimin se Evropa nuk do të qëndrojë e dobët dhe as e ndarë përballë provokimit turk.
Ai vuri në dukje se Greqia është plotësisht e gatshme për dialog, pasi ka besim absolut në pozicionet e saj.
Ndërkohë, përmes një postimi në Twitter Mitsotakis u shpreh se dialogu nuk mund të bëhet nën kërcënime.
“I paraqita dëshminë e veprimeve provokuese të Turqisë në Mesdheun Lindor. Greqia është një mbrojtëse e dialogut, pasi ne kemi besim absolut në pozicionet tona. Sidoqoftë, dialogu i vërtetë nuk mund të ndiqet nën kërcënime ose shkelje të të drejtave tona sovrane”, shkruan ai.
