Pak ditë më parë, mediat turke njoftuan se Birce Akalay ka përfunduar në spital pasi nuk është ndjerë mirë. Aktorja e cila u bë e famshme në Shqipëri me rolin e “Asllë” në serialin “Dashuri Bardh e Zi”, ka nisur xhirimet për serialin e ri “Babil” dhe është ndjerë keq.
Duke folur jashtë ambienteve të spitalit, ajo tha se do të kalojë, por nuk e specifikoi problemin që kishte pasur.
Por tashmë është zbuluar se nga çfarë po vuan aktorja e famshme. Mediat turke bëjnë të ditur se Akalay ka nisur terapinë fizike, pasi vuan nga hernia diskale.
Aktorja e ka të vështirë t’i rikthehet xhirimeve të serialit, dhe mësohet se ka refuzuar çdo ofertë për punë.
