Gazetari i njohur në fushën e investigimeve, Artan Hoxha ka deklaruar se zgjedhja e Markut si kryeprokurore e përgjithshme po sjellë ndryshime të mëdha. Sipas tij, ajo vjen nga një vend periferik dhe nuk është shumë e njohur, por edhe lëvizjet e furishme në prokuroritë e rretheve, tregojnë se nuk ka kthim pas për peshqit e mëdhenj. Për Hoxhën, veprimet e fundit në prokuroritë e rretheve, janë një skenar i ngjashëm më atë rumun dhe kroat. Ky model rezultoi me arrestimin e shumë zyrtarëve të lartë.
Teksa ka folur në emisionin “Java”, ka analizuar edhe faktin e lëvizjeve të prokurorëve duke theksuar se të gjithëve u kishte përfunduar afati i komandimit prej tetë muajsh, siç parashikohej në nenin 25, i cili tregon formën se si bëhet organizimi i prokurorisë.Hoxha shkoi më tej duke thënë se Reforma në Drejtësi, është votuar në formë unanime, pasi sipas tij, deputetët s’kishin nga t’ia mbanin.
“Reformën në drejtësi , e kanë votuar 140 deputetë, shumë nga ata s’kishin nga t’ia mbanin, që iu vajti ai mesazhi “paraqituni te ambasada amerikane”-thotë ai.
Deklarata e gazetarit Hoxha
Peshkaqenët këtu kanë qenë, problemi është që peshkatarët deri tani ngroheshin në diell, mund të kapnin ndonjë lepur… Ndërkombëtarët po na mësojnë, po na ndërrojnë grepat dhe kallamët dhe po na tregojnë ku janë peshkaqenët.
Po ndërrohet peshkatarët. Këta që ishin deri tani, ishin në shkelje, Adriatik Llalla kishte gjetur një formë, neni 25 për organizimin e Prokurorisë i lejonte atij të komandonte në krye të Prokurorive prokurorë nga qendra. Këtë gjë mund ta bënte 4 herë në vit për 8 muaj. Të gjithë ata që u larguan nga Arta Marku e kishin kaluar këtë tetë muajsh. Të gjithë këta prokurorë nuk kishin asgjë sensitive në dorë.
Rumania, Kroacia, është vepruar në të njëjtën formë. Ka gjetur një prokurore të panjohur, nga periferia, janë bërë ndryshimet dhe pastaj ka filluar skenari që të gjithë e dimë. Reformën në drejtësi , e kanë votuar 140 deputetë, shumë nga ata s’kishin nga t’ia mbanin, që iu vajti ai mesazhi “paraqituni te ambasada amerikane.
