Kryetarja e Lëvizjes Socialiste për Integrim Monika Kryemadhi ka reaguar në lidhje me asfiksimin e 60 nxënësve në gjimnazin e Shupenzës, Dibër.
Nëpërmjet një statusi në profilin e saj në “Facebook”, Kryemadhi kërkon falje për “këtë realitet të hidhur që është instaluar nga të gjithë në këto 27 vjet”.
Ndërkohë kujtojmë se 60 nxënës kanë përfunduar në spital pasi u asfiksuan si pasojë e vendosjes në punë të kaldajës së ngrohjes në shkollë.
Statusi i plotë i Monika Kryemadhit:
Bulqiza e pasurive të mëdha, njëherësh dhe realiteti i dhimbjeve dhe varfërisë së pacak është ballafaquar sot me tragjedinë e radhës: dhjetëra fëmijë janë helmuar nga tymi, por fatmirësisht ka dashur Zoti të shpëtojnë! ??
Nuk më mbetet tjetër, vetëm të kërkoj falje për këtë realitet të hidhur që kemi instaluar të gjithë bashkë në këto 27 vjet dhe t’i lutem Zotit të na japë kurajon të luftojmë dhe të përpiqemi për të ndryshuar këtë realitet të hidhur.
