Armand Duka është zgjedhur sërish në krye të FSHF-së, për një mandat të 6-të. Pasi mori mandatin e 6-të në krye të FSHF-së, Armand Duka ka mbajtur një fjalë përshëndetëse ku është shprehur se këtë mandat do të dëgjoj vërejtjet e të gjithëve.
“I emocionuar dhe i obliguar, të gjithë e keni një vërejtje për mua, jo vetëm ju, por ju garantoj që të gjitha vërejtjet që i kam dëgjuar dhe do vazhdoj t’i dëgjoj. Do i korrigjoj në këtë 4-vjeçar. Kam dëgjuar baltë e shpifje, ju siguroj që do i shmang me sportivitet, është një ditë e mbarë që t’i lëmë pas, dhe bashkë me ju dhe ato që nuk janë në sallë të kontribuojmë me energjitë tona për zhvillimin e futbollit dhe Federatës, që ju keni hedhur një gur për themelimin e saj. Ju falenderoj dhe ju garantoj që do jem në shërbimin tuaj gjatë 4 viteve të ardhshme”, tha Duka.
Duka u shpall fitues me 37 vota, 2 dolën të pavlefshme ndërsa 4 vota shkuan për Starovën. Të pranishëm në këtë Asamble ishin 43 delegatë me të drejtë vote nga 55 në total. Duka u shpall fitues që në raundin e parë, teksa siguroi shumicën e votave.
