Real Madrid prej ditësh është në kërkim të një zëvendësuesi të yllit portugez, Cristiano Ronaldo, i cili pak ditë më parë vendosi të largohet drejt Juventusit. Emrat më të përfolur ishin ai i yllit belg Hazard dhe Edison Cavanit. Por vetëm pak ditë më parë në Madrid zbarkoi edhe ylli brazilian, 18-vjeçari Vinicius Junior.
“Daily Mail” raporton se nuk bëhet fjalë për një futbollist dosido, pasi potenciali që ka ai në këmbë është për tu admiruar dhe mjaft premtues për tu shndërruar në një yll. Vetëm në pak ditë stërvitje ai ka habitur trajnerin Lopetegui në stërvitje, por edhe shokët e skuadrës.
Sipas medias angleze, lojtari ka një potencial të jashtëzakonshëm si në koordinim, shpejtësi ashtu edhe në driblim. Ndoshta Vinicius mund të jetë zgjidhja e Florentino Perezit duke e zëvendësuar portugezin Ronaldo që u largua në drejtim të Juventusit. Kështu presidentit të “Los Blancos” nuk do i duhet të paguajë shuma marramendëse për blegun Eden Hazard.
