Gazetari investigativ Artan Hoxha ka theksuar se ka qenë ish-kryeprokurori i Përgjithshëm Adriatik Llalla ai i cili ka bllokuar dosjen e të shumëkërkuarit, Klement Balili.
Sipas Hoxhës, prokuroria e drejtuar prej ish-kryeprokurorit Adriatik Llalla nuk e dërgoi dosjen në gjykatë, ndërsa Klement Balili ndodhet në arrati. Ndërkohë pak ditë më parë, ambasadori amerikan paralajmëroi arrestimin e afërt të tij.
Megjithatë, sipas Hoxhës, dosja e Balilit nuk është dërguar në gjykatë ndryshe nga çka vepruar drejtësia greke, e cila ia ka kopsitur dosjen të shumëkërkuarit Balili, por po pret vetëm arrestimin e tij që të nisë edhe gjykimin. “Ka një shpërblim të konsiderueshëm për arrestimin e Klement Balilin. Di që vazhdon të jetë në fuqi edhe shpërblimi rreth 100 mijë euro. Po ashtu nëse do të dorëzohej do të kishte një rrethanë lehtësuese. Por ai nuk dorëzohet për sa kohë dosja e tij nuk shkon në gjykatë”, u shpreh Hoxha për News 24.
Artan Hoxha: Klement Balili ka ndihmuar partitë politike në Shqipëri. Herë njërën, herë tjetrën. Prokuroria dhe Llalla e kanë penguar sepse autoritetet greke po vononin për të dërguar materialet në Shqipëri. Ka një shpërblim të konsiderueshëm për arrestimin e Klement Balilit. Di që vazhdon të jetë në fuqi edhe shpërblimi rreth 100 mijë euro. Po ashtu nëse do të dorëzohej do të kishte një rrethanë lehtësuese. Por ai nuk dorëzohet për sa kohë dosja e tij nuk shkon në gjykatë. Nëse dosja shkon në Gjykatë edhe ai do të shkojë në gjykatë. Hetimet kanë vazhduar në Greqi. Prokuroria ka dërguar dosjen në gjykatë. Por, çështja është pezulluar pasi personi ende nuk është arrestuar. Kjo mund të bëhet në momentin që arrestohet.
