Arsenal është cilësuar gjithmonë si ekipi që kampionatin e quan të fituar nëse arrinë vendin e katërt, kjo për faktin e pjesëmarrjes në Champions League. Por disfata e turpshme e ditës së sotme, ku Bournemouth fiton me përmbysje përballë ‘topçinjve’ i ka venitur shpresat për atë vend. Ishte një pasdite e trazuar me thashethemet e largimit të Sanchez, dhe mungesa e Ozil gjithashtu ndikoi në paraqitjen e Topçinjve, me Bournemouth që u zgjua vetëm pasi pësoi golin duke u kundërpërgjigjur me dy gola të shpejtë.
Arsenal zhvillon një ojë mjaft të mirë edhe pse kishte dy mungesa të rëndësishme që mund të themi se do të largohen përfundimisht nga Londra. Është Hektor Bellerin që zhbllokon rezultatin në minutën e 52’, pas një kundërsulmi mjaft të mirë. Mbrojtësi i djathtë tregon shpejtësinë e tij marramendëse dhe një qetësi të një lojtari të madh për të shënuar.
Goli i spanjollit shërbeu si një kambanë alarmi për vendasit që filluan të luanin futboll pas golit duke mos pasur më presion. Dhe si pasojë erdhën dy gola të shpejtë me protagonist Callum Wilson. I pari ishte i sulmuesit kryesor të Bournemouth ndërsa i dyti përgatitet nga ai dhe shënohet nga Jordon Ibe.
Arsenal mundohet të reagojë por pa sukses, një tjetër humbje për djemtë e Wengere gjashta në kampionat, e cila e lë në vend të gjashtë, plot pesë pikë larg Tottenham dhe Liverpool që luftojnë për vendin e fundit që të kualifikon në Champions.
