Christian Panucci ka befasuar me përgjigjen që ka dhënë në një media ruse, pasi i është kërkuar që të japë një mendim për Fabio Capellon. Trajnerit të Kombëtares shqiptare, ka qenë për disa vite “nxënësi” i Capellos, pasi kanë punuar bashkë për një kohë të gjatë si në kohën kur ishte futbollist, por edhe pasi Panucci mori detyrën e trajnerit.
“Për mua Capello ka vdekur”, – është shprehur trajneri i kuqezinjve, Christian Panucci. Një reagim negativ i thatë për trajnerin që e ka stërvitur për shumë vite dhe që më pas e ka pasur ndihmës, kur drejtonte kombëtaren e Rusisë.
Një përgjigje të kësaj natyre Panucci e ka dhënë edhe disa vite më parë, kur nuk i rinovuan kontratën te Rusia në stafin e Capello-s.
Panucci refuzoi të bëjë komente të mëtejshme. Ai ka qenë lojtar i Capello-s te Milan në periudhën 1993-1996, te Real Madrid 1996-1999 dhe te Roma 2001-2002. Në stafin teknik të Rusisë, Panucci ka punuar në periudhën 2012-2014.
