Angel María Villar Llona është arrestuar si i dyshuar për përvetësim fondesh, raporton agjencia e lajmeve El Pais dhe Efe. Villar ka qenë futbollist spanjoll ndërkombëtar, dhe mban postin e presidentit të federatës që prej vitit 1988. Mes të arrestuarve për të njëjtën akuzë, ka qenë dhe djali i tij Gorka.
“Presidenti i Federatës Spanjolle të Futbollit, Angel María Villar Llona dhe djali i tij janë pjesë e hetimeve për korrupsion,” thotë deklarata e policisë spanjolle.
Gjykata e Lartë e Spanjës tha se hetimi po udhëhiqet prej magjistratëve dhe prokurorëve të anti korrupsionit. Mediet spanjolle raportojnë se akuzat kanë të bëjnë me falsifikim dokumentesh dhe me uljen e fitimeve të ndeshjeve ndërkombëtare.
Akoma nuk ka asnjë koment nga presidenti ose avokatët e tij.
Nën drejtimin e Villarit si president i federatës, ekipi i Spanjës ka fituar dy kampionate evropiane, si dhe Kampionatin Botëror 2010. Villar ka qenë gjithashtu pjesë e FIFA për 29 vitet e fundit.
