Gazetari Kastriot Myftaraj po qëndron në ambientet e paraburgimit, pasi u ndalua mbrëmë nga Antiterrori për shkak të një shkrimi që kishte bërë kundër ambasadores së Bashkimit Evropian, Romana Vlahutin.
Myftaraj është arrestuar me akuzën për “Thirrje publike për veprime të dhunshme” të parashikuar nga neni 223 i kodit penal. Ky nen parashikon që thirrje të tilla për veprime të dhunshme dënohen me gjobë, ose me burgim deri në 2 vjet.
Gazetari do të vazhdojë të qëndrojë në paraburgim deri në vendimin e gjykatës për masën e sigurisë, ku do të vendoset nëse do të lihet i lirë, apo në burg.
Kastriot Myftaraj u ndalua për shkak të shkrimit të tij të publikuar në Facebook, ku thoshte ndër të tjera se “çdo shqiptar që do atdheun e vet mund ta vrasë Romanën dhe ky do të ishte një akt antiterrorist, jo terrorist”.
