Policia e Elbasanit ka vënë në pranga një 27 vjeçar, banues në Cërrik, me akuzën e prodhimit dhe shitjes së narkotikëve. I arrestuari është Florjan Sanxhaku.
“Arrestimi i tij u bë pasi, mbi bazën e informacioneve të marra në rrugë operative dhe gjatë kontrollit të ushtruar nga efektivat e policisë, në banesën e tij, në Lagjen nr.3 Cërrik, u gjet dhe u sekuestrua në cilësinë e provës materiale 313 gr lëndë narkotike, e dyshuar për atë të llojit “Cannabis Sativa”.
Materialet i kaluan Prokurorisë së Rrethit Gjyqësor Elbasan, për veprime të mëtejshme, lidhur me veprën penale “Prodhimi dhe shitja e narkotikëve”.
