Policia e Durrësit ka arrestuar një 35-vjecar, pasi iu gjet me vete një armë zjarri me 17 fishekë.
35-vjeçari Nael Shala (Fatri Krasniqi) 35 vjeç, banues në Kavajë u arrestuar në rrugën Golem-Durrës ( në Plepa) duke udhëtuar me një mjet tip Benz.
Sipas policisë, ai u arrestua pasi u kap me armë në brez dhe 17 fishekë luftarakë, të cilat u sekuestruan në cilësinë e provës materiale, ndërkohë që ishte pasagjer në një mjet që u kontrollua nga policia.
Njoftimi i policisë
Vijojnë kontrollet për rritjen e parametrave të sigurisë. Kontrollet për kapjen e personave që qarkullojnë me armë, personave të shpallur në kërkim dhe atyre që ushtrojnë veprimtari kriminale në fushën e trafiqeve të paligjshme apo në fushën e vjedhjes së pronës.
Gjatë kontrolleve arrestohet në flagrancë një shtetas pasi qarkullonte me armë zjarri. Specialistët për Krimet në Komisariatin e Policisë Durrës në bashkëpunim me Efektivët e Stacionit të Policisë Plazh kanë arrestuar në flagrancë shtetasin:
Nael Shala (Fatri Krasniqi) 35 vjeç, banues në Kavajë.
Më datë 25.03.201i8, në rrugën Golem-Durrës ( në Plepa) duke udhëtuar me një mjet tip Benz, pasagjer në mjet është arrestuar nga Shërbimet e Policisë pasi dispononte armë zjarri pistoletë tip Bereta dhe 17 fishekë luftarakë, të cilat u sekuestruan në cilësinë e provës materiale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Prodhimi dhe mbajtja pa leje e armëve luftarake dhe e municionit” parashikuar në nenin 278/2 të Kodit Penal.
