23-vjeçari i cili ishte kthyer në “tmerrin’” e qytetarëve durrsakë, ka rënë më në fund në prangat e policisë.
Specialistët për Krimet në Komisariatin e Durrësit zbardhin dhe dokumentojnë 7 vjedhje ,Donald Mëzirin 23 vjeç, banues në Kamëz, Tiranë, i dënuar më parë për veprat penale kundër personit dhe pronës.
Uniformat blu, në vijim të punës për zbardhjen dhe dokumentimin e plotë të ngjarjeve të ndodhura në territorin e tyre, me qëllim vënien para përgjegjësisë penale të autorëve, kanë vënë në pranga një shtetas, i cili vidhte sende me vlerë duke thyer xhamat e automjeteve.
Njoftimi i policisë:
U arrestua në flagrancë shtetasi: Donald Mëziri 23 vjeç, banues në Kamëz, Tiranë, I dënuar më parë për veprat penale kundër personit dhe pronës.
Specialistët e Seksionit për Hetimin e Krimeve të Komisariatit të Policisë Durrës, pas një pune hetimore 2- mujore intensive dhe të mirëorganizuar kanë bërë të mundur dokumentimi e plotë ligjor, të veprimtarisë kriminale e dyshuar e kryer nga shtetasi i mësipërm për ngjarjet si më poshtë vijojnë:
Më datë 01.06.2017, në lagjen Nr.4, Durrës dyshohet se në mjetin tip Benz në pronësi të shtetasit M.R. ka vjedhur një çantë me dokumenta dhe 8 000 lekë.
Më datë 14.06.2017, në fshatin Draç, Durrës dyshohet se në mjetin tip BMË, më pronësi të shtetasit I.Xh. i ka vjedhur 1 orë dore.
Më datë 18.06.2017, tek Gjiri I Lalëzit, Durrës dyshohet se mjetin tip Benz në pronësi të shtetasit A.P. ka vjedhur 2 ora dore dhe rroba.
Më datë 12.07.2017, në Rrugën”Taulantia”, Durrës dyshohet se në mjetin tip Benz, në pronësi të shtetasit V.R. ka vjedhur 77 000 lekë.
Më datë 29.07.2017, në lagjen Nr.13, Durrës dyshohet se duke thyer xhamin e pasëm në mjetin e shtetasit S.R. ka vjedhur rroba dhe një aparat fotografik.
Më datë 05.08.2017, në lagjen Nr.1, Durrës dyshohet se në mjetin tip Porshe në pronësi të shtetasit R.G. ka vjedhur çantën e dorës me një shumë prej 2 000 €.
Më datë 17.08.2017, në lagjen Nr.1, Durrës dyshohet se në mjetin tip Volsvagen në pronësi të shtetasit F.H. ka vjedhur një çantë me dokumenta dhe 562 000 lekë.
Vijon puna për identifkimin dhe kapjen e autorëve të tjerë të implikuar në këtë veprimtari kriminale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Vjedhja e pasurisë e kryer më shumë se një herë” në bashkëpunim parashikuar në nenin 134/2 të Kodit Penal.
