Deputetët e Vetëvendosjes, të cilët u arrestuan sot në hyrje të kuvendit të Kosovës, janë dërguar menjëherë në paraburgim.
Kështu, deputetëve Albin Kurti, Albulena Haxhiu dhe Donika Kadaj-Bujupi u është dhënë masa e paraburgimit prej 30 ditësh.
Urdhër-arresti i Gjykatës Themelore ndaj këtyre deputetëve ishte me kohë i specifikuar me këto masa.
Deputetët u arrestuan nga Policia e Kosovës pas një urdhër-arresti të lëshuar nga gjyqtari Beqir Kalludra për rastin e gazit lotsjellës që u hodh para një viti në Kuvend.
Kalludra u caktoi deputetëve edhe paraburgim, për shkak të mosparaqitjes së tyre në seancën gjyqësore ndaj hedhjes së gazit lotsjellës.
