Kryetari i Komitetit të Jashtëm të Parlamentit Evropian, David Mcallister, ka përcjellë mesazhe të qarta për politikën dhe luftën kundër krimit dhe korrupsionit. Zyrtari i Parlamentit Europian, në një konferencë për mediat ka dhënë komentin e tij ndërsa është pyetur lidhur me arrestimet e ministrave, nëse i sheh si një sukses të Reformës në Drejtësi.
Në përgjigjen e tij, zyrtari i PE-së tha se kjo ka treguar se autoritetet në Shqipëri e kanë marrë seriozisht luftën kundër krimit dhe korrupsionit.
“Kjo tregon që autoritetet në Shqipëri e kanë marrë seriozisht luftën kundër krimit dhe korrupsionit, dhe këto kanë qenë zhvillime spektakolare. Dhe na tregon që policia, prokurorët janë të angazhuar në luftën kundër korrupsionit.
Ne i angazhojmë që të vazhdojnë në këtë formë, ky ka qenë edhe mesazhi për Ministrin e Brendshëm dhe Ministrin e Drejtësisë”, tha ai.
