Gjykata e Krimeve të Rënda ka caktuar masën “arrest me burg” për Klement Balilin. Në një deklaratë për mediat, avokati i Balilit është shprehur se nuk ka prova qe implikojnë klientin e tij për “trafik droge”, ndërsa tha se vetë ai i ka mohuar këto akuza.
I ashtuquajturi “Eskobari i Ballkanit”, u vetëdorëzua të martën në polici, pas një operacioni dy-mujor që i ngushtoi lakun trafikantit në kërkim.
Balili u dorëzua nën shoqërinë e avokatit të tij mbrojtës pranë policisë, në një kohë kur Prokuroria e Krimeve të Rënda sapo kishte dorëzuar dosjen hetimore në gjykatë për të paktën 4 vepra penale, më të rëndat e të cilave “trafik ndërkombëtar droge” dhe “krijim e pjesëmarrje në një grup të strukturuar kriminal”.
