Update/ Personat që shikoni në foto janë tre shqiptarë të cilët janë arratisur mëngjesin e sotëm nga Komisariati në Argyroupolis të Greqisë.
Tre shqiptarët u arrestuan më 13 qershor si anëtarë të një organizate kriminale të përfshirë në më shumë se 70 vjedhje.
Alarmi u dha nga EL.AS. për arratisjen e tre të burgosurve nga Komisariati i policisë në Argyroupolis.
Ata arritën të ikin pasi kishin prerë shufrat e hekurit të dhomës së paraburgimit dhe më pas ishin hedhur nga 10 metra lartësi.
Policia është vënë tashmë në ndjekje të tyre. Ndërkohë që media e vendit fqinj nuk kanë zbuluar identitetit e shqiptarëve por etem fotot e tyre.
Tre shqiptarë arratisen nga Komisariati, shkatërruan dritaren
Tre shqiptarë janë arratisur nga një seli paraburgimi në Greqi. Ata janë hedhur nga dritarja e Komisariatit, të cilët ishin arrestuar pasi akuzoheshin për vjedhje, përdhunim dhe trafik të lëndëve narkotike.
Ata plaçkitnin shtëpitë luksoze në periferinë Jugore dhe Veriore të Greqisë.
Ngjarja ka ndodhur ketë mëngjes në Komisariatin e policisë së Argirupolis në Athinë.
Sipas mediave greke, të cilat citojnë policinë vendase, ata kanë shkulur hekurat e dritares dhe më pas janë hedhur nga një lartësi prej 10 metra.
Policia është vënë në kërkim të tyre.
