Kukësi do të vazhdojë të luaj në turet e Champions League, pasi ka kaluar me shumë vështirësi maltezët e Vellattas. Verilindorëve u ka mjaftuar një barazim 1-1 për të kaluar në turin tjetër, pasi ndeshja e parë ishte mbyllur 0-0. Ishte sulmuesi Dzaria që shënoi në fundin e takimit për Kuksin dhe bëri të mundur kalimin e turit. Ashtu si 6 vite më parë edhe këtë herë Cungu do të kërkojë të shkruaj historinë me Kukësin në raundet kualifikuese të Ligës së Kampionëve.
Ndeshja nuk fillon aspak mirë për verilindorët, pasi kontrollin e lojës e ka Vellatta, kjo pasi edhe Cungu kishte pak ditë që mori drejtimin e skuadrës dhe nuk kishte krijuar stilin e tij të lojës. Duhet të kalojnë disa minuta që Kukësi të zgjohet dhe të hidhet në sulm, por gjithsesi në pjesën e parë nuk u shënua asnjë gol.
Pjesa e dytë është pasqyrë e të parës, me vendasi8t që dominojnë dhe në minutën e 67’ gjejnë rrugën e golit me Piciollo. Cungu i kërkon ekipit të hidhët i gjithi në sulm pasi nuk kishte më asgjë për të humbur. Dhe loja sulmuese u shpërblye në minutën e 84’, ku Rrumbullaku asiston për Dzarian dhe ky i fundit e dërgon topin në rrjetë. Verilindorët iu desh ta mbyllin ndeshjen me 10’ lojtarë, pasi Zguro është ndëshkuar me kartonin e dytë të verdhë në minutat e fundit.
