Mbrëmjen e së shtunës, PD bëri publike emrat e anëtarëve të Këshillit Kombëtar të zgjedhur përmes votimit. Në procesverbalin që PD shpërndau për media, thuhej se përpara nisjes së votimit, tërhoqën mandatin për të votuar 4771 anëtarë, ndërsa pjesëmarrës në votim kanë qenë 4919 anëtarë.
Krahas njoftimit për emrat e anëtarëve të rinj të Këshillit Kombëtar, Partia Demokratike njoftoi opinionin publik lidhur me mos rakordimin e shifrave. “Në procesverbal thuhet qartë se 4741 është numri i personave që janë verifikuar me mandat para nisjes së punimeve. 178 të tjerët janë pajisur me mandat pas nisjes së punimeve”, sqaronte dje zyra e shtypit e selisë blu.
Lidhur me këtë përplasje, një reagim pasoi nga ish-kryetarja e Kuvendit, Jozefina Topalli. Me anë të një statusi në rrjetet sociale, ajo tallej me kreun demokrat Basha, se po i dalin më tepër vota se votues. Të njëjtin postim ka shpërndarë edhe kryeministri Edi Rama, madje i çuditur duke e quajtur “si ka mundësi”.
Lulit i dalin vota më shumë se votues/Topalli njësoj si Rama, tallet rëndë me Bashën
