Arian Çani ka treguar një “sekret” për deputetin demokrat Edi Paloka. Ky i fundit është tallur nga Rama për shkak të së folurës së tij, gjë që pasoi me sjelljen e Palokës duke i hedhur bojë kryeministrit në fytyrë.
Teksa po diskuton në studion e “Zonë e Lirë” atë që ndodhi këtë javë në Kuvend, Arian Çani tregon se në të vërtetë, e folura e Palokës ka qenë shumë tërheqëse për femrat para shumë vitesh.
“Paloka në rrjetin e vet, ka qenë tmerrësisht i kërkuar nga femrat. Ky Paloka që tallet nga Rama, ka qenë tmerrësisht i rrethuar nga super femra. E pëlqenin sepse fliste me “ththth”, femrat mesa duket e donin këtë pjesë. Ajo nuk ka qenë pika e dobët, por ka qenë pika e fortë e tij. Mua më kanë thënë femrat, Arjan, sa herë që Paloka hynte diku, ato reagonin me pozitivitet. Kur i pyesja pse, thonin ka 2 gjëra: i bukur, dhe ka atë të folurën. Femrat mesa duket e pëlqejnë”, tha Çani. /Tirana Today
