Argjentina ka triumfuar në miqësoren me rezultat 1-0, në miqësoren e zhvilluar mesditën e sotme me Rusinë. Kjo e fundit do të jetë vendi organizatori i Kupës së Botës që do të organizohet në vitin 2018.
Goli i vetëm i sfidës u shënua nga sulmuesi i Manchester City, Sergio Aguero në minutën e 86’ të sfidës. Vlen të përmendet fakti që edhe pse një ndeshje miqësore ka qenë e luftuar fort nga te dyja ekipet, por rusët nuk mundën ta përballojnë deri në fund presionin e argjentinasve. Leo Messi ka qëndruar në fushën e lojës për 90’ minuta dhe interesante ka qenë skema e zgjedhur nga trajneri Sampaoli, një 3-5-1-1 që nuk e kishim parë shpesh tek Argjentina.
