Si çdo vit nuk mungojnë pakënaqësitë në “Kënga Magjike”. Këngëtarët mendojnë se meritojnë më shumë, e ndërsa votimi nga kolegët ngre gjithmonë pikëpyetje.
Ka nga ata të cilët shpërthejnë në rrjetet sociale, e po kështu dhe nga ata që kanë zgjedhur që të heshtin. Të dy anët e medaljes i gjen tek “Kënga Magjike”, e cila edhe këtë vit shënoi një tjetër sukses.
Teksa kishte ftuar finalistët tek “E diela shqiptare”, Ardit Gjebrea ka shokuar publikun kur pranoi se kishte marrë dikë në telefon, për të qënë pjesëmarrës i këtij edicioni.
Teksa prezantonte këngën e Fifit dhe MC Kreshës, Arditi tregoi edhe disa detaje të panjohura për bashkëpunimin e tyre.
“Fifi më tha që do të merrte sërish pjesë te ‘Kënga Magjike’, dhe normalisht që mendova se njeriu e ka të vështirë të tejkalojë veten,” u shpreh ai, duke iu referuar këngës “Zhurmë”, një ndër më të bukurat e edicionit të kaluar të festivalit.
Megjithatë, Gjebrea pranoi se ishte mahnitur nga kënga dhe menjëherë kishte nisur të mendonte për artistin që do të këndonte pjesën rep.
“Unë nuk e kam zakon të marr njerëzit në telefon, pasi artistët vijnë vetë. Por kur dëgjoja këngën e Fifit, e doja Kreshën. Të dy ishim në një mendje. E telefonova”.
Por, ç’farë tha reperi?
“Kur pashë numrin e Arditit, thashë që nuk ka ‘Jo’.
“Psikopatja Jote” fitoi çmimin “Artisti më i votuar në internet”, dhe u rendit e treta.
