Roma u përball të mërkurën në mbrëmje me Liverpoolin në “Olimpico” në ndeshjen e kthimit të gjysmëfinaleve të Champions League, e cila u fitua nga italianët 4-2. Ky rezultat nuk mjaftonte që Roma të shkonte në finalen e Kievit, por gjatë takimit ka pasur disa raste të paprecedenta ku arbitri i ka dënuar.
Dy ishin episodet më të kontestuarat gjatë takimit, fillimisht ndërhyrja që bëri portieri Karius ndaj Edin Dzeko, por arbitri e vlerësoi si pozicion jashtë loje. Ndërsa rasti tjetër ishte më flagrant ku El Sharaawy godet drejt portës por Alexander-Arnold e ndalon topin me dorë, edhe këtë herë asgjë.
Ndërsa nga njerëz të pranishëm në ambientet e brendshme të stadiumit “Olimpico” mësohet se si ka reaguar arbitri Damir Skomina, pasi pa në ekran momentet më delikate dhe vendimet që kishte marrë.
Arbitri slloven ka riparo disa herë rastet e diskutueshme, që patën ndikim në rezultat, dhe nuk e ka fshehur aspak keqardhjen për vendimet që kishte marrë. Ai është tradhtuar në ato momente nga sinqeriteti i tij, duke pranuar në një farë mënyre vendimet e gabuara.
Damir Skomina është dukur totalisht i çorientuar dhe nuk ishte në gjendje t’i fshinte ndjenjat e tij, pasi ka parë pamjet filmike. Skomina ka kuptuar se ka gabuar vetëm pas ndeshjes, pasi në fushë edhe lojtarët kanë protestuar shumë pak.
