Nuk ka qenë aspak e lehtë sfida e javës së 36 në “Ligue 1” për Marseille-n. Të besuarit e Rudi Garsia në ndeshjen kundër Nice kërkonin dëshpërimisht fitoren për të qëndruar në garë për një vend në “Champions League” sezonin e ardhshëm.
Ndeshja nuk nisi aspak mirë pasi Mario Balotelli shënoi për miqtë, por fatmirësisht për Marseille-n Germain dhe Payet arritën të përmbysnin shifrat.
Sesa e vështirë dhe e rëndësishme ishte kjo ndeshje e tregon edhe ky reagim i Rudi Garcia, i cili në një moment gjatë lojës kur arbitri nuk i akordon penallti nuk është përmbajtur. Ai është shtrirë në tokë në shenjë proteste. Një reagim epik që po merr shumë vëmendje.
