Arbër Çepani, mbetet një ndër personazhet më të drejtpërdrejtë, dhe që në çdo dalje ka folur pa doreza. Në “Thumb” ai i është rikthyer jetës personale, duke bërë një krahasim me jetën jashtë dhe këtu në Shqipëri.
Sipas tij, lidhjet këtu tek ne janë pak mbytëse, ku femrat kërkojnë shumë shpjegime.
“Kam patur disa faza xhelozie. Kur isha jashtë, nuk e vrisja shumë mendjen. Kur erdha në Shqipëri, gjërat ndryshuan paksa. Meshkujt në Shqipëri janë shumë shpellarë në mënyrën se si sillen qoftë ndaj vajzave, por edhe se si bashkëbisedojnë me njëri-tjetrin.
Kur i dëgjoja si flisnin rreth vajzave, mendoja se kështu flasin dhe për të dashurën time. Aty fillonin edhe xhelozirat. Por gjithsesi nuk ia vlen, ajo mund të të mbylli telefonin dhe ti s’e merr vesh kurrë çfarë ndodh”.
