Ministri në detyrë i Punëve të Jashtme, Gent Cakaj ka kërkuar dje nga Konsujt e Nderit që të dorëzojnë targat diplomatike.
Lidhur me këtë ultimatum, ka reaguar ish-ministri i Financave Arben Malaj, tashmë Konsull Nderi i Austrisë për Shqipërinë jugore.
Ai ka nxjerrë blof ministrin Cakaj, teksa sqaron se edhe pse një vit në këtë detyrë, ai nuk i ka marrë targat diplomatike. Më tej, Malaj shkruan se Cakaj duhej të kishte kërkuar një takim me shoqatën e konsujve të nderit, ose të bëhej një takim nga Sekretari i Përgjithshëm i MEPJ me kreun e shoqatës të Konsujve të Nderit që të qartësonte problemin konkret.
Në fund të reagimit, Malaj akuzon MEPJ se e ka humbur fokusin tek prioritetet kombëtare dhe plotëson axhendën mediatike me lajme të tilla.
Reagimi i plotë:
Nje sqarim pa targa diplomatike, te cilat nuk I kam marre edhe pse kam nje vit Konsull Nderi I Austrise per Shqiperine jugore. Perzgjedhja konsull nderi eshte nje proces diplomatic shume burokratik deri ne vleresimin nga sherbimet sekrete te dy vendeve, vendit propozues dhe vendit ku do te ushtroj aktivitetin. Eshte e vertete qe propozimin e nje vendi duhet ta miratoj vendi prites ne kete rast Shqiperia. Kisha shpresuar qe zvendes ministri I jashtem, do kishe kerkuar takim me shoqaten e konsujve te ndert per ta promovuar kete mundesi diplomatike per promovimin e vendi tone, per rritjen e aktiviteteve ekonomike,shkencore e kulturore. Kisha shpresuar se nqs realisht ka nje problem me target, Sekretari i Pergjithshem I MEPJ te bente nje takim me kryetarin e shoqates se konsujve te nderit dhe qartesonte problemin konkrete dhe bashkepunonin per zgjidhjen e tij sa me shpejte, Fokusi I zv ministrit tek levizjet ne staf , target apo passaporat diplomatike e demtojne profilin e nje shtetari, demtojne kredibilitetin e MEPJ e cila duket se ka humbur fokusin tek prioritetet kombetare dhe ploteson axhenden mediatike me lajme te tilla.
Dite te mbare,
Arbeni
