iPhone SE u publikua në mars të vitit të kaluar prandaj tani konsiderohet model mjaft i vjetër. Por, Apple nuk e ka harruar telefonin më të vogël të linjës dhe po përgatit një rifreskim të tij.
Mësohet nga burime të brendshme se iPhone i ri SE do të debutojë në tremujorin e parë të vitit të ardhshëm, pra pothuajse dy vjet pas paraardhësit të tij.
Mendohet se modeli do të ketë të njëjtin çmim pavarësisht se do të shtohet procesori A10 nga iPhone 7.
Madhësia e ekranit duhet të jetë në diagonalen prej 4 “deri në 4.2”, ndërsa opsionet e ruajtjes do të jenë 32GB dhe 128GB. Pajisja do të shfaqë një bateri prej 1,700 mAh, pak më të madhe se sa 1,624 mAh e SE te parë.
iPhone SE i ri do të bëhet në Indi nga Wistron, dhe do të përhapet në vendet e tjera po nga India.
