Kryedemokrati Lulzim Basha po zhvillon një bashkëbisedim me gazetarët në selinë blu, për çështjen e kryeprokurorit, në kuadër të mbarimit të mandatit të Adratik Llallës.
Teksa gazetarët i kanë kërkuar një koment për deklaratat e ambasadorit amerikan Donald Lu, Basha tha se “t’i kërkosh Kuvendit të mos bëjë vettingun e kryeprokurorit, është thikë pas shpine për reformën në drejtësi”.
“S’kam komentuar asnjëherë ambasadorët e huaj, por s’mund ta imagjinoj që dikush nga trupi diplomatik t’i kërkojë Kuvendit të shkelë kushtetutën apo të kërkojë mos bëhet vettingu i kryeprokurorit. Kjo do të ishte një thikë në shpinë të reformës në drejtësi për të cilën kanë kontribuar të gjithë përfaqësuesit e trupit ndërkombëtar”.
