AON ka publikuar hartën e rrezikut global, duke marrë në analizë 163 vende të botës, ku i vlerëson me gjashtë shkallë nga “E ulët” në “Shumë e Lartë”.
Shqipëria, për sa i përket rreziqeve politike, që lidhet me aktivitetet të cilat ndikojnë në veprimtarinë e biznesit, është e vlerësuar nga AON me rrezik mesatar, ndërsa renditet e para në vendet që janë përkeqësuar.
Krahas Shqipërisë janë përkeqësuar edhe vende si: Austria, Gjermania, Mbretëria e Bashkuar dhe Turqia, shkruan Monitor.al.
Kurse në lidhje me rrezikun e sigurisë, Shqipëria renditet ndër vendet me rrezik të ulët. Rreziku i sigurisë vlerëson probabilitetin e veprimeve që mund të dëmtojnë asetet financiare, fizike dhe humane të një biznesi.
