Më herët u raportua se numri dy i NATO-s, Rose Gottemoeller kishte shtyrë vizitën në Tiranë për shkak të protestave të studentëve.
Por, në fakt e vërteta është se Zëvendëssekretarja Përgjithshme e NATO-s, ka humbur avionin me të cilin pritej të mbërrinte në vendin tonë. Gottemoeller pritet të mbërrijë pasditen e sotme në kryeqytet, ndërsa nesër do të nisë vizitat zyrtare me krerët e shtetit.
Edhe në faqen zyrtare të NATO-s, thuhet se Gottemoeller do të mbërrijë në Tiranë të premten më 13 dhjetor dhe do të nisë më 14 dhjetor takimet zyrtare.
Sipas axhendës zyrtare të NATO-s thuhet se Rose Gottemoeller do të zhvillojë një takim në Ministrinë e Jashtme, dhe më pas është parashikuar konferencë e përbashkët për mediat.
