Pas paralajmërimeve bëhet zyrtare, presidenti i SHBA-ve Donald Trump nuk do të takohet me liderin e Koresë së Veriut, Kim Hong Un në muajin qershor, shkruan BBC. Lajmi bëhet i ditur nga Shtëpia e Bardhë.
“Duke u bazuar në zemërimin e madh dhe armiqësinë e hapur të shfaqur në deklaratën tuaj të fundit, unë mendoj se është e papërshtatshme, në këtë moment, që të zhvillojmë këtë takim të planifikuar prej kohësh”, shkruan Trump.
“Prandaj, ju lutem, le të shërbejë kjo letër për të njoftuar anulimin e samitit të Singaporit, për të mirën e të dyja palëve, por në dëm të botës”.
Koreja e Veriut nisi të hedhë hije dyshimi mbi mundësitë e mbatjes së takimit, kjo pasi Shtetet e Bashkuara dhe Koreja e Jugut nisën manovrat ushtarake.
Si dhe pas sugjerimit të këshilltarit amerikan për Sigurinë Kombëtare John Bolton për zbatimin e “modelit libian” për kryerjen e çarmatimit bërthamor të Phenianit.
Kjo si referencë ndaj udhëheqësit të Libisë Moammar Gadhafi, i cili i dorëzoi armët bërthamore që dispononte vendi i tij në vitin 2003.
Tetë vjet më pas ai u rrëzua nga pushteti.
Ai u hodh në kanal dhe u qëllua në kokë, gjatë një kryengritjeje të mbështetur nga Shtetet e Bashkuara.
Dy ditë më parë presidenti Trump këmbënguli se udhëheqësi i Phenianit nuk ka asnjë arsye të shqetësohet, nëse heq dorë nga armët bërthamore.
